Gjorde stas av hundreåring
Valgerd Gravelsæter fylte 100 år på måndag. Dagen vart feira i helga saman med storfamilien, og på Etne omsorgssenter var det fest med marsipankake og kaffi på sjølve dagen.
Døra står open og me blir ynskt velkommen inn på rommet til Valgerd Gravelsæter på hundreårsdagen. Heimen er no omsorgssenteret i andre etasje. Eit lyst og romsleg rom som idag bognar med blomar, marsipankake, kransekake. Sonen Osmund serverer kaffi og tar imot blomar som kjem på døra.
Festpynta rom
Valgerd sit så fint pynta i stolen sin ved vindauget. Ho tykkjer det vert mykje styr med denne runde dagen hennar. Eigentleg er det ikkje noko å snakke om, og bles det litt brydd vekk. Samstundes er det litt stas også, når alt kjem til alt.
