Gåver til viktige møteplassar
Kløvertreff på Bjoa og Treffpunkt i Etne fekk onsdag kvar sitt løft, til stor glede for både frivillige og deltakarar.
Både unge og eldre i Grannar-distriktet fekk på onsdag besøk av Sparebanken Norge, som delte ut gåver til to sentrale møteplassar. Banken starta dagen på Bjoa før turen gjekk vidare til Etne Røde Kors.
35.000 kroner til Kløvertreff på Bjoa
Annonse
Om lag 50 pensjonistar var samla då Bjoa Sanitetsforeining inviterte til Kløvertreff – eit arrangement som på kort tid har blitt ein viktig møteplass i ei bygd som dei siste åra har mista både butikk og skule.— Med dårleg kollektivtilbod og lang avstand til kommunesenteret er behovet for lokale samlingspunkt stort, seier Liv Kari Bødtker.
Midt under treffet dukka Sparebanken Norge opp med ei gåve på 35.000 kroner, øyremerkt vidare drift av Kløvertreff i 2026.
– Dette betyr enormt for oss. Støtta gjer at me kan fortsetja å skapa gode møteplassar for eldre i bygda, seier sanitetsforeininga.
Kløvertreff har som mål å tilby sosiale måltid, dessert, kaffi og eit lite programinnslag – alt utan inngangspengar, for å halda terskelen låg for deltakarane. Budsjettet ligg på over 150.000 kroner i året. Ein tredel blir finansiert gjennom loddsal og gevinstar frå deltakarane, ein tredel gjennom dugnadsinnsats og gratis bruk av sanitetshuset, og resten må koma frå gåver og tilskot.
Annonse
Sanitetsforeininga har 6–8 frivillige som deler seg i to komitear og står for gjennomføringa. Målet for 2026 er å arrangera minst åtte treff i året.
— Denne gåva sikrar drifta av Kløvertreff til langt uti 2026. Me er så takksame, seier Bødtker.
150.000 kroner til ungdommane i Etne
Treffpunkt i Etne Røde Kors fekk onsdag 150.000 kroner, delt ut av banksjef Magnhild G. Våge i Sparebanken Norge.Foto: Privat[/caption]
Seinare på dagen gjekk turen vidare til Røde Kors i Etne, der ungdommane hadde samla seg til Treffpunkt-kveld. Treffpunkt får 150.000 kroner til oppussing av lokala. Det skapte stor glede, og dugnadsplanane er alt i gang.
– Dette bidraget betyr mykje for oss – og gjer det mogleg å innreia eit eige lokale som ungdommane verkeleg kan trivast i, seier leiar i Etne Røde Kors, Bjørg Fredriksen.
Annonse
Treffpunkt er ope kvar onsdag for ungdommar mellom 13 og 18 år, og i tida framover vil både malarkostar og dugnadsinnsats prega lokalet.
– Eit levande lokalmiljø skapes når både unge og eldre har gode plassar å møtast. Det ønsker me å bidra til i heile Grannar-området, sier Magnhild Våge som er banksjef i Sparebanken Norge.
