Går i lag om kursing av besøksvenner
Åse Hermansen i Etne Røde Kors og Solveig Kvamme i Etne frivilligsentral vil ha fleire med til å hjelpa folk med lågt sosialt kontaktnett, eller som av ulike grunnar har vanskar med å delta i samfunnslivet.
Positiv innstilling til dugnad er ikkje ukjent i Etne, Skånevik og Åkrafjorden, men det er konkurranse om dugnadskreftene. Nokon vil helst vera med på store arrangement, men det er òg mogeleg å gjera dugnad over ein kopp kaffi, ved eit sjakkbrett, på ein mosjonstur eller eit kafèbord.
— Eigentleg har besøkstenesta i Etne Røde Kors aldri kome på beina att etter pandemien, men det gjer me no noko med, seier Åse Hermansen (71).
Ho er pensjonist og ganske ny innan Røde Kors si omsorgsteneste. Den tenesta leiar ho, og dermed er ho òg medlem av hovedstyret til Etne Røde Kors.
