Går for fleire år på Stortinget

I 2021 var ho blant tre vindafjordingar som blei valt inn i nasjonalforsamlinga. Før det kommande valet i 2025 har både Tove Elise Madland (Ap) og Terje Halleland (Frp) annonsert at dei ikkje vil stille til ein ny periode.

Til Haugesunds Avis, som var først til omtalte saka, fortalde Lisa Marie Ness Klungland at ho gav beskjed til nominasjonskomiteen sist veke og at det var eit enkelt val. Nominasjonskomiteen i Rogaland Sp skal ha listekandidatane sine klare i november. Ved sist val var Ness Klungland nummer to på lista bak, landbruks- og matminister Geir Pollestad, som ifølgje ølensbuen også går for ein ny periode i likskap med vararepresentant Tor Inge Eidesen, som i praksis har møtt fast mens Pollestad har vore minister.