Frivillige kan få støtte til integrering

Dette opplyser Vindafjord kommune på nettsida si. Dei viser til at det er busette rekordmange flyktningar i kommunen dei siste åra.

— Flyktningane blir busette i heile kommunen, og det vil vera avgjerande for integreringa å ha gode fritidstilbod og eit inkluderande lokalmiljø i den bygda dei bur i, skriv kommunen.

Vindafjord kommune ønskjer å leggja til rette for at lag og organisasjonar i kommunen kan bidra til integrering og inkludering av flyktningar. Det er ønskjeleg at tilskotsmidlane skal gjera det meir fleksibelt for lag og organisasjonar å oppretta nye aktivitetar, tilpassa opplegg eller leggja til rette for meir inkludering av flyktningar. Tilskotet kan nyttast til tiltak retta mot flyktningar i alle aldrar.