Litt av bilparken til Helgevold Elektro AS.
Arkivfoto: Svein-Erik Larsen
Næringsliv
Fornyar ein tredel av bilparken
I tillegg til ei tidlegare bestilling av 12 elektriske varebilar for levering i haust, har Helgevold Elektro AS i Sandeid nyleg inngått ein avtale om levering av ytterlegare 40.
Dette er ikkje dei første elektriske bilane i konsernet, men i tillegg til dei 12 bilane som blir levert i oktober eller november, har dei no kjøpt 40 nye Ford E-Transit.
— Me er stolte over å kunne gjera ein slik avtale. Overgangen til elbilar er ein del av den langsiktige planen vår for å redusera klimautslepp og fremja berekraftig utvikling i regionen. Dei tilsette er vår viktigaste ressurs, og me ynskjer at dei skal ha det beste utstyret og materiellet som er tilgjengeleg. På same tid tar me ansvar for miljøet, seier Bjørn Tollefsen som er konsernsjef i Helgevold Gruppen.
Det er rundt 150 bilar i Helgevold sin bilpark. Dei rullar for det meste rundt i regionen, og etter dei to leveransane vil ein betydeleg del av bilparken vera elektrisk.
