Føreslår at kommunen tek over

I 2024 vedtok Sparebankstiftinga Etne å gje ei gåve til Skakkesenteret. Gåva på 30 millionar kroner skulle øyremerkast sletting av gjeld i driftselskapet Skakke SA. I tillegg blei det oppretta eit fond på 10 millionar kroner for å sikra drift. Men med gåva kom eit krav, særs knytt til eigarskap i idrettshallen, der stiftinga ønskjer at kommunen skal trekkja seg heilt ut eller redusera eigardelen. Sparebankstiftinga Etne og Etne kommune har gjennomført omfattande forhandlingar som gjer det mogleg for stiftinga å gje pengegåva til Skakkesenteret. Stiftinga har avklart med Finanstilsynet og Skatteetaten om at dei kan gje gåva direkte til Skakke SA utan skattemessige konsekvensar.

Etter lange diskusjonar om framtida for Skakke har nå kommunedirektøren kome med eit nytt framlegg som inneber at kommunen tar over lånet til Skakka SA og trer ut som eigar i selskapet. I forslaget heiter det også at kommunedirektøren får fullmakt til å forhandla fram og inngå ny seksjoneringsavtale og ny sameigeavtale.

Nå er det opp til formannskapet og kommunestyret å ta ei avgjerd i saka som i dag har tre forslag liggjande på bordet.