Folk flest seier ja til vaksinen
— Eg vil absolutt ta vaksine. Det er ikkje tvil. Både av omsyn til meg sjølv og andre. Me må stå saman for å få smitten ut av verda, seier 88 år gamle Elise Tokheim frå Sandeid og understrekar kor viktig det er at flest mogeleg tek koronavaksinen.
Ho er ikkje aleine om å snakka varmt om vaksinen. Åtte av tolv personar Grannar møtte på ein liten rundtur i Vindafjord og Etne denne veka stilte seg positiv til vaksinen. Fire av dei spurde ville venta før dei bestemte seg.
— Eg er avventande og vil venta på tilbakemeldingar om kor effektiv den er, svarar Bjørn Helge Amundsen (34) frå Ølen og meiner det er viktig med andre førebyggjande tiltak.
