Asfaltsesongen startar i mai.
Illustrasjonsfoto: Rogaland fylkeskommune
Fleire lokale vegar skal asfalterast
Asfaltsesongen starta i byrjinga av månaden og mange fylkesvegar i Rogaland får ny asfalt dei neste månadane, melder fylkeskommunen i ei pressemelding. Det betyr også plager og ventetid.
— Arbeidet med å legga ny asfalt skjer heile døgnet. Asfaltarbeid er støyande, og eg forstår at arbeidet er forstyrrande for naboar. Grunnen til at arbeidet skjer også på kveldar og netter, er omsynet til trafikantane, fortel prosjektleiar Christian Gryte i Rogaland fylkeskommune.
Den store vegeigaren har skrive fire kontraktar for asfaltering og fresing med tre entreprenørar: Velde Asfalt AS har fått kontrakten for Nord-Jæren og Dalane. NCC Industry AS har fått kontrakten for Ryfylke. Peab har fått dei to kontraktane i Nord-Rogaland, inkludert Vindafjord.
