Fekk klar ny båthamn til kongebesøket

— Me har oppmoda medlemmene til å ta båtane på sjøen og møte kongen, fortel hamnesjef Magnar Nøkland i Ølen Båtlag.

Faktumet at besøket skjer i arbeidstida gjer at ikkje alle som vil får høve til å vere der. Sjølv er Nøkland opptatt med jobb i Stavanger. Båtlaget vil likevel vere godt representerte torsdag. Magnar Heggebø, Svein Brekke, Kjartan Grøndal, Bjørn Inge Heggebø, Sverre Andersen og Lars Toadalen gler seg til å ta imot kongeparet. Dei satsar på å komme seg ut i båtane sine for å møte kongeskipet.

— Eg trur det er ein god del som tenker å gjere det, seier Toadalen.