Får pris for omsorg og inkludering

— Det er veldig stas å få denne prisen. For oss er inkludering og omsorg ikkje eigne prosjekt, men ein naturleg del av kvardagen i Ølen IL. Då opplevast det godt å bli sett og anerkjend for dette arbeidet, seier styreleiar Johnny Vik i Ølen IL til Vindafjord kommune si nettside.

Prisen blir utdelt under ordføraren si nyttårsmottaking 4. januar.

Stjernelaget er eit tilbod som gir meistring og idrettsglede til personar med funksjonsnedsetjingar. Dei har spelt handball i Hjerteligaen i fleire år.