Familiedag med hogst og grillkos

— Det er heilt topp med eit slikt arrangement, seier Jarle Nes og kosar seg i solsteiken saman med kona Ane og tvillingane Frøya og Eiril (2).

Familien frå Vikedal har tatt turen til skogs for å bli med på skogdagen i regi av Nortømmer både for å kosa seg ute i det fri og for å sjå hogstmaskinene i drift.

I desse dagar er det sambygdingen Geir Magne Espevoll som har skogsmaskinene på besøk, men når skoginga er ferdig i fjellskråningane langs Eikelandsvegen set hogstkarane kursen lenger opp i dalen. Då står familien Nes for tur.