Færre sauer blir tekne av rovvilt

Ellen Hambro, direktør i Miljødirektoratet, er glad for nedgangen. Ho meiner det har hatt god effekt å skilje beitedyr og rovdyr gjennom bruk av forvaltingsområde.

— I tillegg har vi og Statsforvaltaren ein god dialog med sauenæringa og lokale aktørar når det gjeld tiltak. Og vi gjer uttak av skadegjerande rovvilt, seier ho.

Det var i fjor ei halvering av skadar utførte av bjørn, og dette blir sett i samanheng med at to bjørnar vart drepne i Namdalen.

Skadeomfanget etter jerv, gaupe, ulv og kongeørn er stort sett uendra frå 2019. Det er framleis jerven som er ansvarleg for størstedelen av tapet av sau.

I fjor vart det betalt ut 37,7 millionar kroner til erstatning for tap av sau og lam til rovvilt. I 2019 var talet 44,6 millionar.

Det er i Trøndelag rovvilt gjer størst skade på sau.