Etnebu blei lottomillionær

Under laurdagens Lotto-trekningar blei det trekt 45 ekstra millionærar i ein av fira årlege supertrekningar. Ein av desse er frå Etne.

To personar vann 9,5 millionar kroner i den ordinære trekninga. Sidan det er påskeaftan var det i tillegg supertrekning, årets første.

Supertrekning-potten enda på 48 millionar kroner. Det blei trekt ut 45 millionvinnarar og tre andelsbankar. I kvar andelsbank var det ti spelar – som kvar seg vinn ti prosent av gevinsten. Dei til saman 30 andelsbankvinnarane vann dermed 100.000 kvar.