Pablo Barrera (f.v.), konsernsjef i Haugaland Kraft, Sigurd Eikje, kommunedirektør i Tysvær kommune, Ole Bernt Thorbjørnsen, kommunedirektør i Haugesund kommune, Yngve Folven Bergesen, kommunedirektør i Vindafjord kommune og Jon Andreas Tveit, konstituert direktør i Haugaland Kraft Energi er godt fornøgde med avtalen.
Foto: Haugaland Kraft
Energi
Etne og Vindafjord del av historisk straumavtale
— Avtalen kan vare i opptil åtte år og markerer eit viktig gjennombrot for selskapet i konkurranse med nasjonale aktørar, skriv Haugaland Kraft i ei pressemelding.
Stolte over tilliten
Haugaland Kraft Energi vann ein omfattande anbodskonkurranse om straumleveranse til kommunane Haugesund, Karmøy, Bokn, Bømlo, Etne, Fitjar, Stord, Tysnes, Tysvær, Utsira og Vindafjord. Avtalen omfattar over 2 000 målepunkt i kommunale bygg og verksemder – inkludert skular, barnehagar, idrettsanlegg og institusjonar – samt 11 kommunale føretak som Haugesund Parkering Drift AS, Karmsund Havn IKS og Stord Vatn og Avløp AS.
