Enslaved er nominert til sin tiande Spellemannspris med albumet Utgard“
FOTO: PRESSEBILDE/ROY BJØRGE
Enslaved nominert til Spellemann
Albumet Utgard» er Enslaved sitt 15. album, og blir omtala som metallbandet si aller største prestasjon. Fredag blei dei nominerte til Spellemannsprisen.
Enslaved er eit godt etablert metallband, men Grutle Kjellson og utflytta etnebu, Ivar Bjørnson i spissen. I år kan bandet markera 30-års jubileum. Fredag blei dei nok ein gong nominert til Spellemannsprisen, ein pris dei har vunne fem gonger før.
Norrøne gudfedre
Albumet Utgard» kom 2. oktober i fjor og blei omtalt både i Noreg og i utlandet, som det beste frå Enslaved nokon sinne. Eit album som var gjennomsyra av nordisk magi, av eit band som blir rekna som ekstrem-metallen sine norrøne gudfedre. Enslaved har gjort det til sitt varemerke å vera eksperimentalt uføreseieleg innanfor sin sjanger. Bandet si evne til å grava i det musikalske djupet og henta fram tydeleg inspirasjonar, for deretter å kverna dette gjennom si heilt særeiga oppskrift på svart magi, har i følgje kritikarane gitt publikum eit uforgløymeleg album for historiebøkene.
