Ein skrive-draum er oppfylt

Våren i Paris er Svanlaug Fjæra Gundersen (70) sin bokdebut. Romanen er inspirert av eigne hendingar i livet, men er likevel ei oppdikta historie om mellommenneskelege forhold, kjensler og realisering av draumar. Boka er blitt til gjennom ein prosess i Skriveakademiet Solberg som ho meldte seg inn i 2015. Det var same år som ho pensjonerte seg frå den 45 år lange jobben i Løveapoteket i Haugesund.

— Eg har alltid likt å skriva, men med full jobb var det aldri tid og tanke om å gjera noko meir ut av dette. Dagboka har vore kontinuerleg med meg frå eg var rundt 14 år gamal, men også lenge før det skreiv eg mykje. Seinare har det mest vore dikt og songar til konfirmasjon og andre festar. Gjennom Skriveakademiet sine årlege konkurransar har eg levert fleire tekstar som er blitt gitt ut i Antologien, fortel Svanlaug Fjæra Gundersen.

Skriveakademiet