Utanriksminister Espen Barth Eide (Ap) under den årlege tryggingskonferansen i München 15. februar.
Foto: Javad Parsa / NTB / NPK
Eide etter Ukraina-resolusjon: – Tydeleg signal frå verdssamfunnet
Utanriksminister Espen Barth Eide seier at FN endå ein gong har samla seg om ein rettferdig og berekraftig fred for Ukraina.
Fråsegna kjem etter at FNs hovudforsamling vedtok ein ny Ukraina-resolusjon på treårsdagen for Russlands invasjon av Ukraina. Den var fremja av Ukraina og ei rekke europeiske land, blant dei Noreg, ifølgje UD.
– Dette er eit tydeleg signal frå verdssamfunnet. Endå ein gong har mange land i FN samla seg til forsvar for folkeretten, FN-pakta og ein rettferdig og berekraftig fred for Ukraina, seier Eide måndag kveld.
– Alle løysingar på Russlands ulovlege angrepskrig må vere basert på folkeretten. Russland starta denne krigen, vi gjentek oppmodinga vår om at dei må avslutte henne omgåande, seier han vidare.
