Ei historie som er blitt dagsaktuell
Nato-stasjonen på Lysenuten vart lagt ned parallelt med den internasjonale avspenninga og oppløysinga av Sovjetunionen i 1991. Ei ny utstilling om stasjonen si historie er ikkje mindre aktuell med nye utsikter til kald krig etter Russland sin invasjon i Ukraina.
— Det er spesielt å opne denne utstillinga når det no er kald krig igjen. Utstillinga kjem i eit litt anna lys sjølv om den ikkje er laga på grunn av krigen i Ukraina. Men for å dokumentere Nato-stasjonen på Lysenuten som kom på grunn av den kalde krigen på den tida, seier Monica N. Haugan ved Vindafjordmuseet som er ein del av Haugalandmuseet.
Initiativet kom frå museet i Vikedal for fleire år sidan, og ei prosjektgruppe på fire i Haugalandmuseet har i fleire år arbeidd med utstillinga som opnar 28. april på museet i Vikedal.
Nato i ei lita bygd
