Døra på gløtt for nytt Skakke-alternativ

Neste veke er det årsmøte for Skakke SA og i tysdagens formannskap gav politikarane mynde til ordførar Mette Heidi Bergsvåg Ekrheim til å fremja kommunedirektøren sitt alternativ 4 som ei løysing for storstova i Etne, men med eit eit tillegg som blei fremja som eit fellesforslag frå Sp, Frp, og Ap.

Tillegspunktet går ut på at dersom det kjem alternative framlegg som realistisk viser at Skakke på varig vis vil kunne driva med sunn berekraftig økonomi, og som gir kommunen kontroll over styret av drift, gir formannskapet ordføraren fullmakt til å forhandla og røysta over ei slik løysing.

Johan Strømsvold (V) røysta som vara i saka, og han gjekk for alternativ 5, som er det UL Fram har spelt inn og som kort oppsummert handlar om at kommunen skal betale cirka 1,7 millionar meir i husleige, som er i tråd med det meklarehuset Rele på oppdraget frå styret har vurdert å vere i tråd med ein marknadsleie målt mot dagens verdi av bygget.