Ein mann i 20-åra busett i Vindafjord røykte 14. juni i år hasj hos ein kamerat på Stord, før han ein time seinare sette seg i bilen og køyrde heimover saman med ei venninne. Han fekk angre på hasjrøykinga då han vart stoppa av politiet på Knapphus like før midnatt.
Marihuana i bilen
Ein blodprøve som vart tatt av han om lag ein time seinare viste ein ruspåverknad som svarar til over 0,5 i alkoholpromille. Frå kameraten hadde han også fått seg 0,7 gram marihuana. Denne overleverte han politiet då dei spurte om han hadde noko med seg i bilen som han ikkje skulle hatt.
