Elisabeth Kallevik Nesheim synest det er stor stas å få Kronrinsen på besøk til Vats. Ekstra kjekt er det at ho og Nesheimstunet har fått oppgåva med å servera gjestene lunsj.
Arkivfoto: Anita Haugland
— Dette er stort for vatsbygda
Få eller ingen i Vats gler seg meir til Kronprins-besøket enn Elisabeth Kallevik Nesheim (61). Den profilerte kongehus-entusisten skal til og med fått æra av å servera lunsj til den eksklusive gjesten som besøker Autostore.
Like før helga blei det kjent at H.K.H. Kronprins Haakon tar turen innom robotbedrifta Autostore i Åmsosen, i samband med eit offentleg besøk på Haugalandet onsdag 3. november. Det er Innovasjon Norge som har laga programmet som også består i eit møte med hundre jenter på Girl Tech Fest i Haugesund, medan Statsforvaltaren i Rogaland, Bent Høie, er vert.
Arrangøren, Innovasjon Norge, seier dette om besøket på Haugalandet i ei pressemelding:
— Me gler oss til å visa Kronprinsen nokre av dei spennande bedriftene i Rogaland, seier administrerande direktør i Innovasjon Norge, Håkon Haugli.
