– Dette er blitt eit familiearrangement
– Me var igjen heldige med vêret, og det lettar arbeidet. Me har også flinke deltakarar som kjem til dei rette tidene på kampane, og når ein har 400 kampar som skal avviklast i løpet av helga, er det alfa og omega for å få det til.
Det boblar over av glade fotballspelarar frå nært og fjernt, både store og små. Det er tydeleg at dette er staden å vere denne helga, skal ein tru dei unge sjølv. Godteri, mange fotballkampar og disko er det dei drar fram som det kjekkaste.
Sofie Lundal Hustveit (10) som spelar på Etne J11 fortel at kampane og alt godteriet er det kjekkaste. Sjølv har ho nettopp vore å snopa» litt i kiosken saman med lagvenninnene Ine Hansen Lysne (11) og Marie Rafdal Lauritsen (11).
