Frank Stople (18) frå Ølen er med i G18-landslagstoppen som har samling i Oslo i september.
ARKIVFOTO: TORSTEIN TYSVÆR NYMOEN
— Det største eg har opplevd
I kveld speler FK Haugesund sin største kamp i historia når dei tek i mot nederlandske PSV Eindhoven til europacup-oppgjer. Frank Stople (17) frå Ølen er med på europa-eventyret.
Før jul signerte Frank Stople, som fylte 17 år i februar i år, proffkontrakt med FK Haugesund. Sidan har han trent 2-3 gonger i veka med A-laget, og elles trent med og vokta buret for FKH sitt rekruttlag i 4. divisjon, i tillegg til Noreg sitt U17-landslag.
Men 25. juli år skjedde det noko. Stople hadde ferie då det kima i telefonen. Det var keepertrenar Brede Skistad som ringde, og spurte om Stople var klar til å sitte på benken for A-laget same dag. Og ikkje til kva som helst kamp. Første kamp i dobbeltoppgjeret i andre kvalifiseringsrunde i Europa-ligaen, mot førehandsfavoritten Sturm Graz frå Austerrike.
— Heldigvis var eg tilfeldigvis i Haugesund då eg fekk telefonen, fortel Stople.
