Den store vårdugnaden
Kvar vår hentar vikebuen fram arbeidshanskane og set kursen mot kyrkja for å delta på den årlege vårdugnaden. I år er det ugrasfjerning, planting og sølvpuss som står på arbeidslista.
Både innandørs og på uteområdet ved Vikebygd kyrkje er det full aktivitet denne solrike ettermiddagen i slutten av april. Ein gjeng arbeidsvillige vikebuar har funne fram hagereiskap og trillebår for å delta på den faste vårdugnaden i regi av soknerådet, og fulle av arbeidslyst tek dei fatt på dei mange oppgåvene som ventar.
Grusgangen rundt kyrkja skal ryddast for ugras, blomsterbed skal lukast og visne påskeliljer skal bytast ut med friske sommarblomar i blomsterkrukkene på kyrkjetrappa.
— I dag skal eg fjerna løvetann i singelen, seier Gunnar Birkeland og dreg riva over grusen.
