Saman med nokre studievenninner har Malene Sævareid frå Etne starta opp ein instagramkonto for å informere om tannpleie. Opphavet til kontoen var ei studentoppgåve med mål om å nå ut til folk. Då klekte 22-åringen og medstudentane ideen om å ty til sosiale medium for å etablere ei plattform for informasjon om tannhelse.
Såg behovet
Sævareid er ferdig med to år av ein bachelor i tannpleie ved Universitetet i Bergen. I starten av studiet lærte ho mykje ho ikkje hadde tenkt over tidlegare, og som ho trudde folk flest heller ikkje visste. Det blei spira til ideen om ein instagramkonto der følgjarane blir opplyste om enkle grep for å betre eiga tannhelse.
