Dekning er avgjerande ved ulykker på påskefjellet

– Akkurat no i påsketider, når vi ferdast i fjellet og der vi vanlegvis ikkje er så mykje, kan vi risikere å vere i område der det ikkje er dekning.

Det seier Inger Vollstad, seksjonssjef i Nasjonal kommunikasjonsmyndigheit (Nkom).

Om ein vil ha tak i naudetatar på påskefjellet og bruker mobiltelefon, er ein avhengig av dekning frå eitt av mobilnetta i Noreg. Per no er det tre mobilnett: Telenor, Telia og Ice. Og det er fleire selskap som bruker dei same netta.