Dei kom lengst i Norway Cup

Torsdag føremiddag tapte Ølen 4-2 for Langevåg, dermed er eventyret over. Men dei kan vere nøgd med innsatsen totalt sett, og dei kom lengst i turneringa mellom alle laga frå Grannar-distriktet.

I gruppespelet gjorde dei reint bord. Tjørvåg, Kjelsås, Bryn/Bud og Rosendal måtte alle melde pass for 16-åringane til Ølen.

I den siste gruppespelkampen mot Tjørvåg vann dei 4-0. Benjamin Hole brende eit straffespark, men ordna fint opp med to nettkjenningar. Sindre Sandsgård og Lars Fredrik Osaland laga dei to siste, for laget med 29-5 i målskilnad så langt.