Brukte saks som våpen

Dette skriv Haugesunds Avis, som var først til å omtale saka.

I retten måndag framsto mannen som følelsesladd og angrande, og han protesterte ikkje mot å bli fengsla dei neste fire vekene.

— Ja, eg tar dette på mine skuldre, svarte han på spørsmål om han erkjenner straffskuld og om han samtykkjer til varetektsfengsling.

— Angrar sterkt

I fengslingsmøtet kom det fram at den sikta hadde brukt ein saks då han påførte fornærma skadar. Dette opplyste politiadvokat Soma då han las opp siktelsen.

Ifølgje siktelsen blei mannen stansa då fleire andre kom til staden. Kva som låg til grunn for hendinga, kan verken politiet eller forsvararen Odd Arild Helland seie noko om, av omsyn til etterforskinga.

— Men det er ingenting som tyder på at me kjem til å påberope oss naudverje. Han angrar sterkt på det han har gjort, og erkjenner skuld, seier Helland til Haugesunds Avis etter fengslingsmøtet.

Risikerer betydeleg fengselsstraff

Både den sikta mannen i 60-åra og den fornærma mannen i 50-åra er ukrainske statsborgarar. Den sikta har ikkje vore i Noreg lenge og har ingen registrert bustadadresse, jobb eller familie i landet.

Han har også opplyst i avhøyr at han ikkje visste kor lenge han ville bli i Noreg. Dette var ein viktig grunn til at politiet meinte det var fare for unndragelse.

Retten var einig og meinte fengsling var nødvendig.

— Retten viser til sakens alvor og at sikta risikerer ei betydeleg fengselsstraff. Vilkåra for varetektsfengsling er oppfylte, begrunna dommar Ida Katrine Lindevik.