Samlar kreftene mot tjuvfiske i Sunnhordland. Frå møtet i Ølen: lensmann Ingvar Gjærde (t.v.), Per Helge Sekse, Hordaland politikammer, Lars Håkon Sandvold, Marine Harvest, Ove Gjerde og Øystein Brekke, Alsaker Fjordbruk. Frå høgre: Geir-Martin Kvarme, Fiskeridirektoratet, Anders Krakstad, Kystvakta og Olav Fratland, Statens Naturoppsyn.
Foto: Irene Mæland Haraldsen
Brei front mot tjuvfiske
Politiet lovar langt tøffare innsats mot tjuvfiske i og ved oppdrettsanlegg. Eit breitt offentleg apparat blir nå samkøyrt mot den kriminelle verksemda.
Lensmannen i Vindafjord, Ingvar Gjærde tar sjølvkritikk på at dei ikkje har gjort nok for stoppa den omfattande ulovlege fiskinga som har skjedd i deler av Sunnhordlandsbassenget. Før helga var ei rekkje etatar samla til møte på lensmanen sitt kontor i Ølen for å diskutera den alvorlege situasjonen. Også næringa deltok.
— Får me nye meldingar om slikt fiske, vil dette bli prioritert, og det vil nå bli aktuelt med bøter og inndraging av utstyr, seier Gjærde.
