Hovudårsaka til omprofileringa er at Felleskjøpet Rogaland Agder sine butikkar blir forveksla med Felleskjøpet Agri sine butikkar.
— Det er ei tid for alt, og i vår digitale tidsalder der meir og meir blir handla på nett så opplever me ofte misforståingar i forhold til butikkar og namn. Me må bygga ein tydelegare identitet og har difor bestemt oss for å skifte namn på nettbutikk og alle våre fysiske butikkar til BondeKompaniet, seier maskindirektør Einar Bent Jensen i Felleskjøpet Rogaland Agder, i ei pressemelding.
FK-butikkane hadde i 2020 ein kraftig salsauke og 100.000 fleire kundar. BondeKompaniet er bondens eigen butikk, eigd av rundt 8.000 bønder. Samstundes er dette ein butikk for alle. Butikken har eit breitt utval av produkt til alle med prosjekt i eller nær naturen.
