Finansminister Trygve Slagsvold Vedum (Sp) la måndag fram den nye regjeringa sitt forslag til endringer i statsbudsjettet for 2022.
Foto: Torstein Bøe / NTB / NPK
Statsbudsjettet
Bilistane slett heile auken i CO2-avgifta
NPK-NTB: Ap-Sp-regjeringa går inn for at bilistane i stor grad skal skjermast for auka CO2-avgift. Men avgiftsauken blir nulla ikkje heilt ut.
Den nye regjeringa gjer inga endring i dei borgerlege sitt forslag om å auke CO2-avgifta med 28 prosent.
Men bilistane skal i stor grad kompenserast for auken.
Det går fram av forslaget Ap-Sp-regjeringa har til endringar i statsbudsjettforslaget frå den borgarlege regjeringa.
Kompenseringa skal skje i form av redusert vegbruksavgift og trafikkforsikringsavgift. I vegbruksavgifta er det i hovudsak biodrivstoffkomponenten som blir kutta.
Samla sett vil drivstoffavgiftene likevel auke noko.
For bensin blir det snakk om ein auke på 12 øre frå 2021-nivå, medan det for diesel blir ein auke på 13 øre frå 2021.
Med budsjettforslaget frå Solberg-regjeringa ville avgiftsauken for bensin og diesel ha vorte om lag tre gonger så stor.
