Den kommunale barnehagen i Skjold er berørt og tre avdelingar er sett i ventekarantene grunna nye smittetilfelle i Vindafjord.
Dronefoto: Kalstveit & Vik
Barnehage berørt – ukjent smitteveg i Vindafjord
Som Grannar skreiv tidlegare i dag er det registrert to nye tilfelle av covid-19 i kommunen. Desse kjem i tillegg til éin smitte med den muterte varianten måndag.
— Me ventar nå på rundt 70 prøvesvar frå testar som er gjort dei siste dagane, opplyser kommunen i ei melding.
Smitteveg er førebels ukjent for dei to personane som nå er stadfesta smitta. Smittesporing pågår, og alle som skal i karantene blir kontakta, opplyser kommunen.
