Barndomsminne frå krigsåra
Då tyskarane angreip Noreg 9. april 1940 var Knut Trovåg (93) berre ein liten gutunge. Men enkelte minne frå krigsåra set framleis som spikra.
Den 8. mai 1945 kunne det norske folk sleppa jubelen laus og feira at dei tyske militære styrkane hadde kapitulert etter fem år på norsk jord. Igjen kunne det norske flagg heisast i bygd og by, og igjen kunne freden senka seg over landet. I Trovåg budde det ein ung gut på 13 år då gladmeldinga om freden nådde den vesle grenda. Sjølv hugsar ikkje Knut Trovåg at det hende noko spesielt heime på garden ytst på Trovågneset akkurat denne dagen, men i tida like etter frigjeringa skjedde det ting han minnast med stor glede.
— Eg hugsar at me gjekk i tog til skulen og hadde leikar på 17.mai, og at det kom ei snøbyge den dagen. Og etter krigen fekk me amerikapakkar med sjokolade og kler. Og då me fekk tak i ny sykkel var det stor stas, seier Knut Trovåg og kan framleis kjenna på gleda han følte då han kunne trilla sin nye sykkel inn på tunet.
Kvardagsliv
