Slik ser robotane frå AutoStore ut.Arkivfoto
— Amazon vil teste AutoStore
Ifølgje den profilerte konsulenten Brittain Ladd har Amazon starta ein prosess med å installere robotlageret til AutoStore på ein lokasjon på Long Island. Spekulasjonar om at netthandelsgiganten skal teste ut AutoStore sine lager har send aksjane oppover denne veka.
Finansavisen var først til å omtale Amazon si interesse for selskapet i Nedre Vats i Noreg. Amazon er eit av verdas største selskap og på Forbes si rangering for 2022 er dei nummer seks. Selskapet er eigd og blei starta av Jeff Bezos, den femte rikaste personen i verda.
Nytt konsept
Ladd har ifølgje si eigen nettside vore innom CNN, BBC og Fox News for å snakke om finans. Han blir omtala som ein ekspert på automatiserte lagrings- og hentesystem av Finansavisen På LinkedIn skriv han eit lengre innlegg om Amazon, der han blant anna skriv om planane på Long Island.
