Det var ein julepynta sal i Skånevik Fjordhotell som var arena for årets siste kommunestyremøte i Etne.
Grethe Hopland Ravn
Forvaltningsrevisjon: Etne kommune har tilstrekkeleg kapasitet og kompetanse i PLO
Ein forvaltningsrevisjon utført av Rogaland Revisjon konkluderer med at Etne kommune per i dag har tilstrekkeleg kapasitet og kompetanse til å ivareta behova til brukarar av pleie- og omsorgstenester. Samtidig peikar rapporten på fleire område der kommunen har behov for vidare utvikling.
Kontrollutvalet i Etne kommune fekk i 2024
gjennomført ein forvaltningsrevisjon av pleie- og omsorgstenestene. Rapporten
er utarbeidd av Rogaland Revisjon og blei lagt fram for kommunestyret 12.
desember.
Revisjonen har vurdert om kommunen har
tilstrekkeleg kapasitet og kompetanse til å møte behova til brukarane, og om
ressursane i tenestene blir nytta på ein føremålstenleg måte. Arbeidet byggjer
på dokumentanalyse, intervju med leiing, tillitsvalde og tilsette, samt
gjennomgang av statistikk.
Rapporten konkluderer med at Etne kommune per i
dag oppfyller krava i helse- og omsorgstenestelova når det gjeld både kapasitet
og fagleg kompetanse.
