60 meter lang yacht vekkjer oppsikt
Den nesten 60 meter lange yachten Slipstream» sette torsdag kursen for Åkrafjorden og Langfoss, etter å ha vore ankra opp ved Romsa natta over.
Det er mange som har fått med seg det celebre besøket, og Haugesunds Avis kunne tidlegare i dag presentera ein artikkel om skipet som besøkjer Haugalandet og Sunnhordland.
Der kjem det fram at det det råflotte fartøyet er eigd av den kanadisk-australske milliardæren Jack Cowin (80), som er kjent for å business innan fastfood-bransjen. Avisa siterer også Forbes, som fortel at Cowin er busett i Sydney, og har ei formue på rundt 2,9 milliardar dollar.
Ifølgje nettstaden MarineTraffic er skipet registrert i Cayman Island, kjent som eit skatteparadis. Slipstream» er bygd i 2009.
