Ap-politikar Hanne Stine Vannes er føreslått som meddommar i Haugaland og Sunnhordland tingrett. Tormod Sandsgård, politikar for Vindafjordlista er føreslått som skjønnsmedlem.
ARKIVFOTO: SVEIN ERIK LARSEN
56 vindafjordingar er føreslåtte til viktige verv
Valnemnda i Vindafjord kommune har fullført innstillinga av kandidatar til verv som meddommarar og skjønnsmedlemmer for perioden 2025-2028. Kandidatane, som skal tena ved Haugaland og Sunnhordland tingrett, Gulating lagmannsrett samt Haugalandet og Sunnhordland jordskifterett, er nå offentleggjorde for innsyn.
Skjønnsmedlemmer, valde av fylkestinget, er lekfolk med spesialkompetanse på område som vanlegvis er relevante for skjønnsvurderingar. Interesserte hadde fram til 1. mars 2024 til å melda sitt kandidatur for desse verva.
Kommunestyret vil gjera det endelege valet den 7. mai 2024. I samsvar med Domstollova 68 er lista over kandidatar no tilgjengeleg for offentleg gjennomsyn. Innvendingar til kandidatlista kan sendast til Vindafjord kommune innan 11. april 2024.
