20 år med lokalmat på tunet
Turismen er den geskjeften som har auka mest på dei 20 åra John Karsten Hustveit har drive Åkrafjordtunet på Teigland. Dei starta med kafé og butikk i 1999, men har i dag fleire bein å stå på.
Laurdag 24. august blir det lagt opp til festdag på Åkrafjordtunet. Då skal 20 år med drift markerast med både salsboder på plassen, smaksprøvar, gode tilbod, og mosjonsløpet Langs Åkrafjorden. Og om kvelden brakar det laus med festmiddag, celebre gjester og gratis dans for alle som måtte ønskja å ta seg ein svingom, eller berre komma seg ut ein kveld for å høyra på god musikk. Denne kvelden – som på opningsdagen for 20 år sidan, skal Magne Skålnes stå for musikken.
— Det er utruleg å tenkja på at det har gått 20 år allereie, og når me skal feira dette, gjer me det litt som me gjorde den gongen me opna. Då var det dåverande oljedirektør Gunnar Berge som klipte snora, Aud Berit Ljusnes Jensen var kokk som laga biffgryte til oss, og Magne Skålnes stod for musikken. Slik blir det også til jubileet. Gunnar Berge er invitert til festmiddagen, og menyen blir den same som den gong, laga av same kokk, seier dagleg leiar John Karsten Hustveit.
Spent førsteår
