18-åring fekk vassplaning med slitte dekk

18-åringen frå Ryfylke visste at han hadde slitne dekk på bilen då han 23. mai i år sette seg i bilen for å køyre til Haugesund kor han hadde eit ærend. Han forklarte i Haugaland tingrett at han hadde bestilt nye dekk til bilen, men at det var dei gamle som framleis var montert på bilen denne dagen.

Fekk vassplaning

Då han kom til ei 60-sone på Saudavegen, ved Ilsvåg i Vindafjord, tok han igjen ein bil som han anslo køyrde i 50 kilometer i timen. Det var regnvêr, men trass i dette og at det faktum at han visste om dei dårlege dekka på bilen, føretok han ei forbikøyring. Han forklarte i Haugaland tingrett at han hadde ei fart på om lag 75 kilometer i timen då han fekk vassplaning i det han skulle legge seg inn i rett køyrefelt. Situasjonen enda med at han køyrde av vegen. Ingen om alvorleg til skade i hendinga.