Tankar om 2024

Over 30 år som lege er kanskje det som i størst grad har prega mitt liv. Helsevesenet og samfunnet har gått gjennom mange endringar på den tida. Etter år med dyrtid, pandemi, krigar og politisk radikalisering bør me kanskje stoppe opp og tenke gjennom kva me har, og korleis me vil ha det i framtida.

Endringar i helsevesenet er eit resultat av samfunnsutviklinga. Største endring er at me på mange måtar har gått frå fellesskapstanken til eit meir individualisert tankesett. Individet har vorte viktigare enn fellesskapet.

Frå 60-talet etablerte me ordningar der fellesskapet skulle ivareta dei svakaste. Prinsippet var at dagens arbeidsføre skulle betale ytingane til dagens pensjonistar. Det var eit tillitsbasert gode der alle som kunne ta del gjorde det.