Må jobbe med nye digitale plattformer»

Kva må vi forbetre oss på nå ved inngangen til eit nytt år? Utfordringane blir mange for mange. Kva tenkjer eg om 2021? Korleis skal bedriftene overleve?

Dette er tankar som går rundt i hovudet mitt når året som har gått skal oppsummerast, men også når ein skal tenkje framover og snart starte eit nytt år.

Året 2020 hadde full fart fram til 12. mars, så blei det stille. Eg har jobba på hovudkontoret i fleire hotellkonsern dei siste 30 åra av mitt liv. Eg har jobba med å bygge opp turismen i Skandinavia. Har reist rundt jorda mange gonger og har passet fullt av spennande stempel. Så blei arbeidskvardagen min endra. Pandemien kom til landet vårt og med den kom tanken om å flytta heim til Etne. Tanken blei ein realitet då ein god kamerat ringte om det han meinte var drøymejobben for meg. Dagleg leiar i Fikse Næringsforening.