Vann endeleg igjen

Bjoa tok imot Nedstrand på Bjoa stadion. Sigbjørn Sævereid skåra kampens einaste mål – sitt første for Bjoa.

7. divisjon

Målet gjorde at Bjoa tok sin fjerde siger for sesongen i 7. divisjon. Dermed fekk dei endeleg ein stopp på ei tapsrekke på 12 kampar sidan førre siger 7. mai. Med 12 poeng på 18 kampar ligg Bjoa på 11.-plass av 12 lag. Neste kamp er borte mot Vard 3 onsdag 8. oktober.

Skånevik er nummer åtte med 19 poeng på 17 kampar. Dei spelar borte mot Kopervik 3 laurdag. Søndag 12. oktober ventar ny heimekamp mot Trott 2, før lokaloppgjeret mot Bjoa på Bjoa stadion søndag 19. oktober.

5. divisjon

Også Ølen spelte heimekamp tysdag kveld. På Sparebank 1 Sør-Norge Stadion slo dei Finnås 7–3. Anders Gjerde skåra fire mål, Vemund Skjæveland to og Sverre Ramsfjell eitt.

Sigeren styrka Ølen sine sjansar til å forsvare 3.-plassen i 5. divisjon. Dei står med 28 poeng på 18 kampar. Neste kamp er borte mot Åkra 2 måndag 20. oktober.

Etne ligg på 5.-plass med 23 poeng på 17 kampar og møter Sveio på kunstgraset i Etne torsdag.

6. divisjon

Etter ein tung vårsesong har Fjordar begynt å ta poeng i 6. divisjon i haust. Tysdag spelte dei borte mot Torvastad 2. Til pause låg dei under 2–0, men i 2. omgang snudde dei kampen med tre raske skåringar, før Torvastad utlikna til 3–3. Kristian Langeland skåra to mål, medan Alfred Svendsen sette inn det siste.

Med fire poeng på 17 kampar har Fjordar færrest poeng av dei 11 laga i avdelinga. Men sidan Ølen 2 blei trekt, er det ikkje fare for nedrykk. Neste kamp er heime mot Haugar 2 på Vats stadion 14. oktober.