Spennande duell for André i The Voice 

Når André Hustoft Nesheim (30) frå Skjold og Mikael Omsland Zakariassen (21) frå Larvik går på scenen i fredagens episode av The Voice, står mykje på spel. Begge imponerte under blind audition, og nå møtest dei i ein duell der berre éin av dei kan gå vidare.

Mentor Jarle Bernhoft legg ikkje skjul på at han likar det han høyrer.

— Dette blir så fint. Det er altså André og Mikael, to heilt fantastiske vokalistar. Dei har veldig smittande- og ganske lik energi, og er begge veldig utåtvente solistar, seier Bernhoft i opptaket frå øvingane.