Tok NM-gull

Meisterskapet gjekk frå laurdag til tysdag, med kampar i Koll Arena og på Voldsløkka. I tillegg til U19-klassa blei det også spelt NM i U15- og U17-klassa for begge kjønn.

Vikedalsbuen Tiril Våg Skjold og Cathrine Eikeland Hjeltnes frå Ålesund vann 2–0 i sett i to kampar i gruppespelet, åttedelsfinale, kvartfinale og semifinale på vegen mot finalen tysdag kveld. Der slo dei Aurora Kolknes Brimsøe og Silje Vik 24–22 og 21–12.

Vindafjord IL var også representert med Amalie Aarekol frå Vikedal, som spelte på lag med Vladyslava Storcheus frå Sand. Dei vann tre kampar og tapte tre kampar, inkludert ein avsluttande plasseringskamp om 9. plassen.