Anna Vivelid (midten) tok gull.
Foto: Haugaland Klatrelag
Sport
Tok gull i Norgescup
Anna Vivelid frå Bjoa gjekk til topps i U19-klassa då Haugaland Klatrelag (HKL) arrangerte i Norgescup i ledklatring i Haugalandsveggen.
I ei pressemelding opplyser Anders Kindlihagen i HKL at 127 av Noregs beste klatrarar deltok.
HKL stilte med ein sterk tropp med 14 deltakarar – frå alle kommunar på Haugalandet! Alle presterte på høgt nivå og heile seks kvalifiserte seg for finalane søndag. I finalane vart HKL mestvinnande klubb med tre gull og ein sølvmedalje. Ørjan Rødland Vaage og Ingrid Kindlihagen vann høvesvis herrar og damer senior på overtydande vis.
—I jenter U19 var Anna Vivelid ustoppeleg og tok eit suverent gull, skriv Kindlihagen.
