— Dette var heilt konge. Det gjekk over all forventning, seier Vegard Owe og jublar over sigeren.
At han skulle enda på toppen av pallen samanlagt var høgst usikkert. Vestlandsmeisterskapet i bilcross består av fire løp der dei tre beste løpa tel samanlagt. Med ein siger, ein niandeplass og ein andreplass i dei tre første løpa var det heilt avgjerande å dra i land sigeren under finaleløpet i Vikedal for å vinna samanlagt. Det gjekk strålande.
