Solfrid Hetleflåt Bråthen (t.v.) og Kristine Hustveit Nybru spelar på FKH sitt kvinnelag som rykte opp i helga.
ARKIVFOTO: TORSTEIN TYSVÆR NYMOEN
Sport
Klare for Toppserien
Laurdag sikra FK Haugesund seg opprykk til Toppserien med ein 4–0-siger heime mot Odd. Kristine Hustveit Nybru (19) frå Vikedal og etnebuen Solfrid Hetleflåt Bråthen (23) har vore sentrale på vegen mot det høgaste nivået.
Sigeren på Haugesund Sparebank Arena gjer at FKH held seg på toppen av 1. divisjon etter 20 rundar. Tre lag rykker direkte opp, og med to rundar igjen har ikkje Åsane på fjerdeplass høve til å hente inn dei ni poenga dei er bak FK Haugesund.
Målgivande pasningar
Kampen mot Odd blei ein parademarsj for FKH, som tok leiinga etter tre minutt og var oppe i 3–0 før pause, før resultatet blei fastsett til 4–0 i andre omgang. Kristina Svandal og Meryll Abrahamsen skåra to mål kvar.
