Ein lang og fin karriere er over

Maraton-VM i Italia denne hausten blei sist konkurranse for 35-åringen og eit punktum etter 13 med slit, sørpe og klatring på to hjul over mangt eit fjell og lange distansar.

— Første pallplass i Norgescup i 2009, og sisteplass nå tidlegare i år. Mange bra sykkelritt i mellom. Kan jo nesten kalla det ein karriere. Nokre sesongar har vore betre enn andre, men eg tør påstå at eg aldri har hatt ein dårleg sesong, skriv Lars Granberg til sine mange følgjarar på Facebook.

Han innrømmer at han ikkje var så god på å vinna, sjølv om det skjedde innimellom, men ganske god på å alltid køyra gode ritt.