Haugar var favorittar før måndagens kamp i Ølen, der heimelaget mangla fleire sentrale spelarar. Ølen sin tropp er noko tynnare i haust enn før ferien, og fleire skader har kome til. Likevel var det eit offensivt lag som starta kampen, og vertane festa eit grep om kampen dei første minuttane.
Fortent nok sette Reidar Austrheim inn 1-0 etter 6 minuttar på ei fin avslutning der han løfta ballen opp i krysset. Men Haugar svara rett etterpå, og laga var like langt.
Ølen vart hardt straffa seinare i omgangen, der heimelaget gav vekk to straffar på grunn av personlege feil i forsvaret. Haugar utnytta dette, og ekspederte begge straffane sikkert i mål. 1-3 til pause, og det såg stygt ut for Ølen.
